பூவில் வண்டு கூடும்/ Poovil Vandu Koodum

அந்த வனத்தில் பூத்த அழகிய பூ அது. பூ பூத்த செய்தியை வண்டிற்கு யார் கூறியது. பூங்காற்றே அதை வண்டின் காதில் ஓதியது. காதல் கொண்ட வண்டு வந்து பூவில் தேன் அருந்தியது. நாணம் தாளாத வண்ண பூவோ கண்கள் மூடியது. " இப்படி ஒரு கற்பனை வைரமுத்துவின் எண்ணத்தில் உதித்தது . பாடலோ எஸ்பி.பி பாடியது.

"பூவில் வண்டு கூடும், கண்டு பூவும் கண்கள் மூடும் . "

அதைக்கண்ட மற்ற பூக்கள் சும்மா இருக்குமா. எல்லாம் சேர்ந்து ஒரு மாநாடு நடத்தின. மாநாட்டின் பேசுபொருள் " அதோ பாருங்கள், அவளின் காதலன் வந்துவிட்டான்." வண்டுகள் எல்லாம் சேர்ந்து தாலாட்டு பாடின. தாலாட்டின் பாடுபொருள் ''அவர்கள் காலமெல்லாம் இப்படியே  மகிழ்ந்து கண்ணுறங்கட்டும்

" பூவினம்   மாநாடு போடும் ,வண்டுகள் தாலாட்டு பாடும் .  நம்தம் நம்தனம்தம் நம்தனம்தம் நம்தனம்தம்" என்ன ஒரு அழகான வரிகள்.

பாரதிராஜாவின் காதல் ஓவியம் இது. படத்தின் நாயகன் ஒரு பாடகன் ஆனால் பார்வையற்றவன். அவன் பாடலில் திளைத்த நாயகியும் கண்களை மூடினாள். அவள் இசையில் மயங்கி கண்கள் மூடினாளா ? இல்லை நாயகன் பார்க்காத உலகத்தை தான் பார்க்க வேண்டாம் என்ற எண்ணிக் கண்கள் மூடினாளா? அது கவிஞருக்கும் இயக்குனருக்கும் மட்டுமே தெரிந்த ரகசியம்.

அதன் பிறகு வந்த வரிகள் எல்லாம் படத்தில் நாயகனுக்கு எவ்வளவு பொருந்தியதோ தெரியவில்லை. ஆனால் பாடலின் நாயகன் எஸ்பிபி க்கும் இசையின் நாயகன் இளையராஜாவுக்கும் அளவெடுத்து தைத்த சட்டை போல அவ்வளவு அழகாக பொருந்தியது.

இவரின் கீதம் வானம் போக அந்த மேகம்  பாலம் போடுகிறது

"கீதம் வானம் போகும் அந்த மேகம் பாலம் போடும் , நாதம் ஒன்று போதும் எந்தன் ஆயுள் கோடி மாதம்"

"வானம் என் விதானம் இந்த பூமி சன்னிதானம் " என்று விஸ்வரூப தரிசனம் காட்டும்  இவரின் பாதம் மீது மோதும் ஆறும்  சுப்ரபாதம் பாடுமாம்.

அனைவரின் தாகம் தீர்க்கும் ஆறே இவரின் ராகம் மீது தாகம் கொண்டு நின்று போகுமாம்.

இளையராஜாவின் இசை

"காற்றின் தேசம் எங்கும் எந்தன் கானம் சென்று தங்கும்

வாழும் லோகமேழும் எந்தன் நாதம் சென்று ஆடும்

வாகை சூடும்...ஆஆஆஆஆஆஅ

நம்தம்" அவர் சொன்னது அனைத்தும் முற்றிலும் உண்மை. அதற்கு மொத்த தமிழ்நாடும் சாட்சி . நானும் சாட்சி.

இயக்குனர் (பாரதி) ராஜாவும் ,இசை (இளைய)ராஜாவும் , ராக ராஜா ( எஸ்பிபி)வும் , தமிழ் ராஜா (வைரமுத்து)வும் சேர்ந்து நடத்தும் தர்பாரை கண்டு கேட்டு பரவசம் அடையுங்கள்.   " பூவில் வண்டு கூடும் 

https://youtu.be/1ZYYOvy8mWI


Comments

  1. sankara sishyanJune 15, 2020 at 9:38 AM

    மிக அற்புதமான விமர்சனம்.ராஜாவின் பார்வை ராணியின் பக்கம் என்ற பாடலுக்கு தங்களுடைய விமர்சனத்தை எதிர்பார்க்கிறேன். விமர்சனம் தருவீர்களா? நன்றி

    ReplyDelete
  2. Kadhai MaalaiJune 18, 2020 at 6:47 AM

    தங்கள் விமர்சனம் பாடலுக்கு பாடல் மெருகெரிக் கொண்டே போகிறது Dheeksha.

    ReplyDelete
  3. AmruthaaJune 19, 2020 at 11:18 AM

    "பூவில் வண்டு கூடும், கண்டு பூவும் கண்கள் மூடும் . "

    இந்த இரண்டு வாரிகளுக்குள் இத்தனை அர்த்தமா? அடேங்கப்பா!!

    ஒரு அற்புதமான கற்பனைக் காட்சியைக் கண்கள் முன் கொண்டு வந்தது உங்கள் விமர்சனம்.

    Keep rocking dheeksha❤️

    ReplyDelete
  4. UnknownJune 20, 2020 at 4:45 AM

    இந்த பாடலின் ஒவ்வொரு வரிகளும் அருமையாக அமைந்து இருக்கும்.விமர்சிக்க வார்த்தையே இல்லை. அத்தனை நயம்.

    ReplyDelete

Post a Comment

Popular posts from this blog

"கல்லெல்லாம் மாணிக்க கல்லாகுமா?" முழு பாடல் வரிகளுடன்

Image
                             மீண்டும் ஒரு வர்ணனைப் பாடல் கண்ணதாசன் அவர்களின் அழகு தமிழில்.  நாயகியோ அழகி. நாயகனோ ரசிகன். நாயகன் நடை தளர்ந்து சக்கர நாற்காலியில் அமர்ந்திருக்கும் போதும் கூட, தமிழின் கவிதை நடை கம்பீரம்  சற்றும் குறைய வில்லை அல்லவா?  தொடக்கத்தில் "ஆஹாஹா ஆஹா அஹா ஹஹா " என்று  ஒலிக்கும் எல் ஆர் ஈஸ்வரி  யின் ஹம்மிங் என்ன சொல்ல நான். இதை ரசிக்காத தமி ழ் நெஞ்சங்கள் உண்டா? ஆஹா ஆஹா ஆஹாஹா ! நம்மை  ஒரு மாய லோகத்திற்கே அழைத்துச் சென்று விடுகிறதே! பாடல் முழுதும் ஒரு கனவு சாங்  ஃபீல் கொடுத்து விடுகிறது இந்த ஹம்மிங். TMS கணீர் குரலில் ஒலிக்கும் "கல்லெல்லாம் மாணிக்க கல்லாகுமா?" தான் வரையவிருக்கும் ஓவியத்திற்கு மாதிரியாக நிற்கும் நாயகி அவர் கண்களுக்கு சாகுந்தலையாக உருமாற்றம் கொள்வது அழகு. சரோஜாதேவி இந்த படத்தில் ரொம்ப அழகாக  இருப்பார். இயல்பாக நடித்திருப்பார். மாணிக்கமாய் ஒளி வீசும் அவள் கண்கள் சிந்தும் கலைக்கு எந்த கலையாவது ஈடாகுமா? அவள் இதழ...
Read more

"மாலைப் பொழுதின் மயக்கத்திலே"

இது ஒரு நேயர் விருப்பப் பாடல். ஆழ்மனதில் நாம் நட்டுவைத்த நினைவுகள் தான் கனவு மரங்களாக வளர்கின்றன. சில நேரங்களில் விதை ஒன்று போட சுரை ஒன்று முளைக்கும் வினோதங்களும் நடக்கின்றன. "மாலைப் பொழுதின் மயக்கத்திலே" இந்த மங்கை கண்ட கனவைப் பற்றி கேட்போம்.ஒரு இளம் விதவையின் மனதில் தோன்றும் எண்ணங்களை இவ்வளவு அழகாக வார்த்தைகளில் வடித்து இருப்பது கவிஞர் கண்ணதாசன். ஒரு சோகப் பாடலுக்கு இவ்வளவு அழகாக சுகமான இசையமைத்துக் கொடுத்திருப்பது விஸ்வநாதன் ராமமூர்த்தி அவர்கள். பி .சுசீலாவின் இனிய குரலில் "மாலை பொழுதின் மயக்கத்திலே கனவு கண்டேன் தோழி , மனதில் இருந்தும் வார்த்தைகள் இல்லை காரணம் ஏன் தோழி ? " என்று புன்னகையுடன் பாடல் தொடங்குகிறார் சௌகார் ஜானகி . அந்தக் கனவு சுமந்த கண்கள் ,சோகம் சுமந்த முகம், அதிலும் புன்னகை  அழகின்  ஜொலிப்பு. ஒரே லொகேஷன், ஒரே காஸ்டியூம் அந்த ஆர்டினரி காஸ்ட்யூமிலும் ஒரு எக்ஸ்ட்ரா ஆர்டினரி பெர்பார்மன்ஸ். "இன்பம் சில நாள் துன்பம் சில நாள் என்றவர் யார் தோழி ? இன்பம் கனவில் துன்பம் எதிரில் காண்பது ஏன் தோழி ? " என்று விடை காண முடியாத ஒரு வினா எ...
Read more

ஒரு பொய்யாவது சொல் கண்ணே "

உலகத்தில் மனிதர்கள் இரண்டே பிரிவினர். ஒரு பிரிவினர் காதலித்துக் கொண்டிருப்பவர்கள் . இன்னொரு பிரிவினர் காதலிக்க ( கிடைக்காதா என்று ஏங்கிக்) காத்துக் கொண்டிருப்பார்கள் . காதலே இல்லாதவர்கள் மனித ஜாதி அல்ல ,அல்ல ,அல்ல.  அதையும் தாண்டியவர்கள். பொய் சொல்லக்கூடாது காதலி என்கிறான் ஒருவன் . "ஒரு பொய்யாவது சொல் கண்ணே " என்கிறான் இவன். நீ காதலிக்கவில்லை  என்ற உண்மையோடு வாழ்வதைவிட நீ காதலிக்கிறாய் என்ற பொய்யோடு வாழ்வது சுலபம் என்கிறான் இவன். ஏனென்றால் உண்மையும் பொய்மையும் பக்கம் பக்கம்தானே.  பாடகர் ஹரிஹரன் தன் உருகும் குரலால் , பிரசாந்த் ,சிம்ரன், ரமேஷ் அரவிந்த் அனைவரையம் பின்னுக்குத்தள்ளி முன்னே நிற்கிறார். வைரமுத்துவின் வரிகளும், ஏ. ஆர் .ரகுமானின் இசையும் ஒன்றை ஒன்று போட்டி போடுகின்றன.  பெண்களை வர்ணிக்க தொடங்கிவிட்டால் இந்த கவிஞர்கள் கற்பனை எல்லை மீறி பறக்கிறது. இரவு வானின் அழகையெல்லாம் இரவல் வாங்கி அந்த இறைவன் என் இதய தேவதையை படைத்துவிட்டான் என்று இந்த இளைஞன் வர்ணிக்கின்றான் .இவன் வர்ணிப்பதை கொஞ்சம் கேளுங்கள். கருங்கூந்தல் இரவினை ஒத்திருக்கிறது, கண்களோ...
Read more